Академияның оқу-әдістемелік бөлімі өз қызметінде Қазақстан Республикасының «Білім туралы» заңына, жоғары оқу орындарының қызметін ұйымдастыру Ережелеріне, Президент Жарғылары мен білім мәселесі бойынша қаулыларына, Қазақстан Республикасының Білім және Ғылым министрлігінің нормативті актілеріне, ҚР МЖМБС, Академияның ішкі нормативті құжаттарына, ғылыми және оқу-әдістемелік Кеңестерінің шешімдеріне, Академия ректорының бұйрықтары мен проректорларының өкімдеріне, оқу-әдістемелік бөлім Ережесіне сүйенеді.
Оқу-әдістемелік бөлім – Академияның оқу процесінің нормативті ұйымдастырылуын қамтамасыз ететін, профессорлық-оқытушылар құрамының оқу мен әдістемелік жұмысын үйлестіретін, Академияда оқу процесінің ұйымдастырылуы мен басқарылуын жүзеге асыратын бөлім болып табылады.
Оқу-әдістемелік бөлім қызметі:
- мамандықтар бойынша оқу жоспарларының стандартқа сай құрылып, бекітілуін қадағалау;
- күндізгі және сырттай оқу түрлері бойынша оқу процесінің кестесін құру;
- оқудың сабақ, емтихан кестелерін құрып, бекітіп, олардың орындалуын бақылау;
- оқытушылардың педагогикалық жүктемесінің орындалуын бақылау;
- оқу процесінің барысын қадағалау;
- статистикалық және әкімшілік есеп түрлерін жүргізу;
- студенттер құрамының қозғалуы бойынша бұйрықтарды дайындау;
- студенттердің жеке құжаттарын жазып, рәсімдеу, оларды мұрағатқа өткізу;
- практиканың барлық түрлерінің жүргізілуін ұйымдастыру және бақылау;
- Академияны бітіргені туралы диплом берілуін тіркеу кітабын жүргізу.
Жалпы жетекшілігі оқу-әдістемелік бөлім бастығымен жүргізіледі. Оқу-әдістемелік бөлім жұмысының нақты бағытын қадағалайтын құрамына оқу-әдістемелік бөлім бастығы, инспекторы, студенттер құрамы бойынша маман, диспетчер, практика меңгерушісі және әдіскер кіреді.